საფოსტო ბლოკი სესს 10 წლის იუბილეს მიეძღვნა
2021-08-06
გერმანიაში გამოიცა საქართველოს ეზიდთა სასულიერო საბჭოს 10 წლის იუბილეს მიძღვნილი საფოსტო ბლოკი, რომელიც გერმანიის ეზიდთა საქმეების ცენტრის (გერმ. @Stelle für Jesidische Angelegenheiten, www.s-j-a.org) მხარდაჭერით განხორციელდა. ბლოკი შედგება ოთხი მარკისაგან, რომლებზეც აღბეჭდილია თბილისის ეზიდური ტაძარი და მისი ინტერიერი, ასევე ეზიდთა მთავარი ტაძარი ლალიში და მირ თაჰსინ ბეგის, მარგაჰს ახტიარის ბაბა შეიხ ხატოს და საქართველოს კათოლიკოს-პატრიარქის ილია II შეხვედრის ისტორიული ფოტოსურათი. ბლოკზე წარწერები შესრულებულია ქართულად, ინგლისურად და ეზიდური დამწერლობით. ბლოკი დაბეჭდილია გერმანიის ფოსტის მიერ და მისი გამოყენება ჩვეულებრივად შესაძლებელია წერილების გაგზავნისას. ბლოკის გამოცემა ეძღვნება საქართველოს ეზიდთა სასულიერო საბჭოს (საქართველოს საახტიაროს) 10 წლის იუბილეს და მას ძირითადად სიმბოლური ხასიათი აქვს. |